(NI PETER LEDESMA)

BUSY na naman sa kanyang showbiz career si Janella Salvador. May bago siyang teleserye sa ABS-CBN na “The Killer Bride” kasama sina Maja Salvador at Joshua Garcia. Tapos, nagsu-shooting pa siya ng movie with Maricel Soriano, ang The Heiress na isang horror movie. Isasali raw ito ng Regal Entertainment, Inc. sa darating na MMFF.

Pagdating naman sa kanyang lovelife ay mukhang tuluyan nang nakapag-move on si Janella sa ‘di kagandahang break-up nila ni Elmo Magalona. And how true, na after maugnay ang young singer-actress kay Marco Gumabao ay may bagong someone na raw ang nagpapasaya sa kanyang puso. Ito raw ay walang iba kundi ang Filipino-British singer-actor na si Markus Peterson.

At malalaman mo raw kapag in love itong si Janella: Hindi na ito madalas makipag-bonding sa kanyang mommy na si Janine Desiderio.

Alam na!

###

Mayroong limited edition ang Little Miss Philippines sa 40th anniversary ng Eat Bulaga.

Bahagi pa rin ng selebrasyon ng “Eat Bulaga” para sa kanilang 40 years sa telebisyon ang ibinalik nilang Little Miss Philippines. Pero this time, limited lamang ito kaya hindi mapapanood nang matagal.

Isa sa original segments ng “EB” ang Little Miss Philippines kung saan ilan sa mga sumali at nanalo rito ay naging malalaking pangalan sa showbiz. Kabilang na rito sina Aiza Seguerra, Jessa Zaragosa, Julie Anne San Jose, Ryzza Mae Dizon, at marami pang iba.

Marami nga palang nagre-request na gawin nang worldwide ang Little Miss Philippines, at mabibigyan ito ng katuparan sa susunod na taon. Kapag nagkaroon na ito ng worldwide search, tiyak na dudumugin ang audition nito.